SAVE J. N. U.

 

नकाब-पोषम्

लेखकः प्रो. चौडूरि उपेन्द्र रावः

जे एन यू विश्वविद्यालयः

किमिदं नाकाबपोषम्?

भयजनकं, भ्रान्तिजनकं !

विवादास्पदं विकृतस्वरूपम् !

विश्वविद्यालयोऽयं

विश्वविद्या-लयस्सञ्जातः?

सुदीर्घेतिहासः खल्वद्य

परिहासस्सञ्जातः !

वैचारिकवादानां निलयः

नाना-प्रवादानां निलयः कथं जातः ?

बुद्धिमतां स्थानं

युद्धपुरुषस्थलं कदा जातम् ?

सङ्घर्षस्यान्तो कदा ?

सन्धिमार्गः मृग्य एव किम्?   

बौद्धिकवादः बाधितः

हिंसामार्गः स्वीकृतः !

क्व लोपः ?

कस्य दोषः?

कदा समतौल्यम्?

किं दूरदर्शनप्रणालीनां (channels) चातुर्यम्?

यदयं सङ्घर्षः द्विगुणीकृतः ?

आहोस्वित्स्वार्थराजनीतिममुं

बीभत्स-रसमुत्पादयति ?

नेता कुत्र? त्राता कः ?

किं श्रृगालमयं जे एन् यू वनं

मृगराज-विरहितं जातम् ?

कथं प्रतिभासम्पनाः विद्यार्थिनः

नकाब-पोषकाः जाताः ?

 किमिदं कुटिलाध्यापकनीतिफलं ?

आहोस्विन्निष्क्रियप्रशासन-वैफल्यम्?