नववस्सस्मिं होतु मङ्गलं
लेखको आचारियो चौडूरि उपेन्द्ररावो
सक्कत-पच्चविज्जज्झयन-संथानम्
जवाहरलाल नेहरू
विस्सविज्जालयो
नवदिल्ली,
भारतम्
नववस्सस्मिं
होतु मङ्गलं ।
नववस्सस्मिं
होतु मङ्गलं ॥
मा
कुरु दप्पं मा कुरु गब्बं
मा
भव मानी मा भव कोपी।
मा
भज दुक्खं मा भज सोकं
पमुदितचित्तो
होहि पसन्नो॥
नववस्सस्मिं
होतु मङ्गलं ।
नववस्सस्मिं
होतु मङ्गलं ॥
मा
वद मिच्छा मा कुरु हिंसं
मा
पिब मज्जं वद सच्चं त्वं।
पालय
धम्मं कुसलं कम्मं
कुरु
निच्चं त्वं रतनवन्दनं ॥
नववस्सस्मिं
होतु मङ्गलं ।
नववस्सस्मिं
होतु मङ्गलं ॥
दानं
कत्वा मुसं जहित्वा
सीलं
लोके वित्थारेत्वा।
अकुसलकम्मं
छड्डेत्वा त्वं
निब्बानत्थं
पयत सब्बदा ॥
नववस्सस्मिं
होतु मङ्गलं ।
नववस्सस्मिं
होतु मङ्गलं ॥
ईती
गण्डो उपद्दवो खो
रोगो
सल्लं भयं खयं ।
दिस्वा
एते कामगुणेसु
निब्बानं
सर सुखप्पदं॥
नववस्सस्मिं होतु मङ्गलं
।
नववस्सस्मिं
होतु मङ्गलं ॥
कामा
चित्रा होन्ति सब्बदा
मधुरा
कामा मनोरमा।
कामा
पुरिसं मथेन्ति निच्चं
चज
संसग्गं कामानं ॥
नववस्सस्मिं
होतु मङ्गलं ।
नववस्सस्मिं
होतु मङ्गलं ॥
सब्बे
सत्ता सुखिनो होन्तु
पालि
होतु च पभस्सरा।
नववस्सस्मिं
सब्बे जीवा
होन्तु
खेमिनो निरामया॥
नववस्सस्मिं
होतु मङ्गलं ।
नववस्सस्मिं
होतु मङ्गलं ॥
No comments:
Post a Comment