वेबिनार्
प्रो. चौडूरि उपेन्द्र रावः
संस्कृताध्ययनसंस्थानम्,
जे. एन्. यू. नवदिल्ली, भारतम्
बहोः
कालाज्जनास्सर्वे स्वगृहाभ्यन्तरे स्थिताः।
यापयन्त्येव
कालं हि पिधानसमयेऽधुना ॥
विचित्रमेव
गेहेषु जायते सकलेष्वपि ।
समाना
दिनचर्या नः पाल्यतेऽद्य दिवानिशम्॥
भोजनं
शयनं मध्ये काफीपानं तथा जनैः।
व्यायामश्च
प्रभातेषु सायं चायेन याप्यते॥
दूरवाण्यैव
सर्वेऽपि यापयन्त्यद्य जीवनम्।
विरलाः
पुरुषा एव पुस्तकाध्ययने रताः ॥
एवं
स्थिते जनैः कैश्चिद्दूरदर्शनकाम्यया।
वीक्ष्यते
चेत्करोनायाः कथैव दर्श्यते पुनः॥
अथवा
चीन-चीनेति श्रुतं तच्छ्रावयन्ति ते।
पाकिस्तानस्य
दुष्कृत्यं समाचारप्रवाचकाः ॥
कीदृशी
दुरवस्थाद्य सम्प्राप्ता दुरतिक्रमा ।
याप्यते
जीवनं सर्वं चातुष्कुड्ये गृहान्तरे ॥
अथवा
वेबिनारेति विनूत्नां प्रक्रियां जानाः ।
समाश्रित्य
चिकीर्षन्ति गोष्ठीर्नानाविधास्सदा॥
धनव्ययं
विनैवैतत्पण्डितागमनं विना।
सभागृहं
विना सर्वैर्वेबिनार्क्रियतेऽधुना॥
सेमिनार्तु
महत्कष्टं विना वित्तं विना गृहं।
शक्यते
वेबिनार्कर्तुं गृहाभ्यन्तरवर्तिभिः ॥
भेदोऽयमेव
वेत्तव्यो वेबिनार्सेमिनारयोः।
विश्वविद्यालयैस्सर्वैस्संस्कृतज्ञैर्विशेषतः
॥
उष्णतायाः प्रकोपेण भारतोत्तरवर्तिनः।
शुष्यन्ति मानवास्सर्वे न वृष्टिश्शैत्यदायिनी॥
उष्णतायाः प्रकोपेण भारतोत्तरवर्तिनः।
शुष्यन्ति मानवास्सर्वे न वृष्टिश्शैत्यदायिनी॥
दिल्ल्यां
तु महदेवौष्ण्यं पीडयत्यखिलानपि।
क्षुब्धा
हि जनता ह्यत्र प्रकृतिक्रोधशोषिता ॥
एतादृशेऽधुना
काले कष्टदायिनि संस्थिते ।
सुदीर्घभाषणान्यत्र
श्रोतुं शक्तिर्भवेत्कथम् ? ॥
तस्मात्संक्षिप्तरूपेण
वेबिनारस्य चालनं ।
कृतं
चेत्कृतिनो भूत्वा विन्दन्ति सुमहत्फलम्॥
वेबिनारे
प्रेवेशार्थं जनास्सर्वे समुत्सुखाः ।
प्रविश्य
नैव जानीमो किं ते श्रुण्वन्ति वा न वा ?॥
तस्माद्गुरुमुखेनैव
प्राप्या विद्या यशस्करी।
दूरस्था
चेत्सदा विद्या दूर एव विसर्ज्यते॥
सक्षाद्गुरुमुखज्ञानं
तदैव प्राप्स्यते जनैः ।
करोनाकोविदस्यास्य
यदा नाशो भविष्यति॥
देवदेवस्य
कारुण्यान्नाशो भवतु सत्त्वरम् ।
लोकसौख्याभिवृध्यर्थं
कोविदस्य दुरात्मनः ॥
इति शम्
